ကြည်ကြည်ဖြူဖြူ

သောကြာကြယ်ကလေးပျောက်
အာရုဏ်အလင်းရောက်မှ
ရင်ခွင်အောက်က အေးစက်နေတာသိတယ်။

အနွေးထွေးဆုံးက ရင်ငွေ့ပါချစ်သူ
အိပ်မက်မှာတောင် ကြည်ကြည်ဖြူဖြူ ပွေ့ဖက်ရင်း
အိပ်စက်ခဲ့တာပါ။

နှစ်သိမ့်ခြင်းတွေ မရပ်ပဲ
တွဲခဲ့တဲ့တို့လက်တွေ
နည်းနည်းမှဖြေမလျှော့ချင်ခဲ့ဘူးဆိုတာမင်းအသိပါ။

လေဝင့်တိုင်းရွက်တွေကြွေရင်
ရွက်တွေဝေဖို့ အချိန်ဆိုတာရှိပါ့ဦးမလား။

ကိုင်းတွေလှုပ်တိုင်း ငှက်ကလေးတွေ ပျံကြမယ်ဆိုရင်
သူတို့နားဖို့အချိန်ရှိပါ့ဦးမလား။

သိလျှက်နဲ့ ခါချဉ်ကောင်ကို နှာခေါင်းထဲထည့်မိမှာပဲ စိုးတာပါ။
ဒါပေမယ့် ငါဟာ ဆဒ္ဒန်ပါချစ်သူ။
မင်းကြည်ဖြူဖိုဆို့ ငါ့အစွယ်တို့ကို
လိုချင်တဲ့အချိန်လာယူပါ။
မုဆိုးလာစရာမလိုပါဘူး။

                     မင်းကြည်ညို